كيفاش تحافظ على نظامك الغذائي في عيد الأضحى وتستمتع في نفس الوقت؟
عيد الأضحى معروف بالذبيحة، الشواء، الأكلات اللذيذة واللمة العائلية. وإذا راك في رحلة تنقص فيها الوزن أو تركز على الاكل الصحي فممكن تحس بالخوف من الإفراط أو خسارة نتائجك.
لكن الحقيقة هي: تقدر تاكل وتفرح وتبقى محافظ على هدفك. لكن لازم تعرف أولا أنو العيد يومين فقط، ونتائجك تعتمد على ماتقوم به أغلب الايام وليس ما تقوم به في يومين فقط.
قبل ما تروح للعائلة أو تبدى احتفالاتك: حضّر روحك بالعقل
افطّر مليح صباح العيد، و"مليح" تعني النوعية مش الكمية. مثلاً: بيضتين + شوية خضرة أو ياغورت طبيعي مع شوفان.
شرب كاس ماء كبير قبل الغداء يعاونك تحس بالشبع وتقلل الشراهة.
ركّز في الهدف: راك جاي تفرح وتستمتع بأجواء العيد والفرحة مش أكل فقط، بل امضاء وقت ممتع مع الاحباب والعائلة.
اذا حبيت تاكل حلويات صباحا: تناول حبة لكن بعد أخذ وجبة فطور صباح صحية، وهذا من اجل تقليل الجوع والرغبة في تناول المزيد.
وقت الشواء: كيفاش تختار وتاكل بصح
✅ كل اللحم المشوي بلا ما تكثّر شحم:
كبدة مشوية
لحم خروف مشوي
دوارة
وحاول اكلك يكون فيه اقل نسبة ممكنة من الشحم والدهون.
🚫 بعد على كل المقليات: بطاطا مقلية، بكبوكة بالدهن، والمقليات اللي تغرق في الزيت، وايضا حاول تجنب البوزلوف او لا تفرط في تناوله لأن جلد الخروف جدا غني بالدهون.
✅ خلي طبقك متوازن:
نصو سلطة (سلطة مشوية، خيار وطماطم، جزر...)
ربعو لحم مشوي
ربعو خبز (قطعة صغيرة) أو بطاطا مشوية أو ثلاث معالق ارز.
🚫 ماتغمسش الخبز في مرق اللحم ولا في الدهن.
المشروبات: قرارات ذكية
🚫 ابتعد عن:
المشروبات الغازية (كولا، فانتة...)
العصائر المحلاة
✅ خيّر:
ماء عادي أو بليمون
شاي بدون سكر
ماء غازي بدون سكر
والحلو؟ كيفاش تدير؟
خيّر قطعة صغيرة من حاجة تحبها بزاف (بقلاوة، مقروط...)
كولها بالعقل وبعد ما تكون شبعت، اي مش وأنت جيعان.
حاول تحضير حلويات مغذية وصحية.
حاول عدم تناول اكثر من حبة حلوة في اليوم ولو كانت صحية.
بعد الأكل: ما ترقدش، تحرك
دير دورة صغيرة، حتى داخل الدار
ساعد في تنظيف الطاولة أو الذبيحة — الحركة تعينك تهضم وتخلي الجسم يحرق اكثر
حاول ان تتحرك قدر الامكان
عيدك مبروك، بصحة ووعي 💪🌙